Madridning "Real" klubi yozgi transfer oynasiga jiddiy hozirlik ko‘rishni boshladi. Jamoa skautlari asosiy e’tiborni tajribali yarim himoyachi Luka Modrichga munosib o‘rinbosar topishga qaratmoqda. SI.com nashrining xabar berishicha, klub 39 yoshli xorvat futbolchisining kelajagini hisobga olgan holda, yangi markaziy yarim himoyachini izlashga kirishgan.
Modrich hozircha yuqori saviyada o‘ynashda davom etyapti. U mavsumda 2000 daqiqadan ortiq maydonda harakat qildi, ammo "Real" uning jamoada uzoq qolish-qolmasligini oldindan rejalashtirmoqchi. Shu bois madridliklar uning o‘rnini bosadigan futbolchilarni izlamoqda.
Kimlar asosiy nomzodlar?
"Qirollik klubi" bu vazifani hal qilish uchun bir necha variantlarni ko‘rib chiqmoqda. Ilk nomzod sifatida "Bayer"ning 21 yoshli futbolchisi Florian Virs tilga olinmoqda. Uning narxi 130 million yevro atrofida baholanmoqda va madridliklar allaqachon uni jamoaga jalb etish bo‘yicha taklif bilan chiqqan.
Modrich esa hali katta futbolni tark etish niyatida emas. U "Real" bilan shartnomasini yana bir yilga uzaytirishni xohlamoqda. Uning asosiy maqsadi — 2026 yilgi Jahon Chempionatiga qadar yuqori saviyada o‘ynash. Klub esa bu borada yakuniy qarorni may oyida qabul qiladi.
Yarim himoyaga yana kimlar kerak?
Avvalroq "Real" Modrichga o‘rinbosar sifatida Arda Gyulerni ko‘rgan edi, ammo turkiyalik futbolchi hujumkorroq o‘yinchi bo‘lgani uchun markazdagi ritmni boshqara olish qobiliyati kamroq. Shuning uchun jamoa markazdagi o‘yinni nazorat qiladigan futbolchi izlashda davom etyapti.
Himoya chizig‘i ham kuchaytiriladi
Faqat yarim himoya emas, himoya chizig‘ini ham kuchaytirish rejada bor. "Real" hozirda o‘ng qanot himoyachisi izlamoqda. Asosiy nomzod sifatida "Liverpul" futbolchisi Trent Aleksander-Arnold tilga olinmoqda. Agar bu kelishuv amalga oshmasa, madridliklar "Tottenhem" a’zosi Pedro Porro, "Bayer" futbolchisi Jeremi Frimpong yoki "Sevilya" himoyachisi Xuanlu Sanches bilan muzokara o‘tkazishi mumkin.
Bundan tashqari, jamoa markaziy himoya chizig‘ini ham kuchaytirish niyatida. "Arsenal" himoyachisi Vilyam Saliba madridliklar short-listidagi asosiy nomzodlardan biri hisoblanadi. Chunki uning "Arsenal" bilan amaldagi shartnomasi 2027 yilda yakuniga yetadi va hozircha uni uzaytirish bo‘yicha bir qarorga kelinmagan.
"Real"ning mavsumdagi natijalari
Ma’lumot uchun, "Real" 28-turdan keyin Ispaniya chempionati turnir jadvalida 50 ochko bilan 2-o‘rinni egallab turibdi. Bu esa jamoani yanada kuchaytirish zarurligini ko‘rsatmoqda.
[lang_uz]O‘xshash yangiliklar[/lang_uz] [lang_ru]Похожие новости[/lang_ru] [lang_en]Similar news[/lang_en]
“Manchester Siti” klubi Abduqodir Husanov haqida hali hech qayerda chop etilmagan maqola e’lon qildi
“Manchester Siti” klubi o‘z ijtimoiy sahifasida, jamoa muxlislarining qalbini tezda zabt etgan yosh futbolchi Abduqodir Husanov haqida ilgari hech qayerda chop etilmagan ma’lumotlar, oilaviy
Florian Virs: "Manchester Siti" va "Bavariya" o‘rtasidagi transfer kurashi
Yevropa futbolida yozgi transferlar mavsumi yaqinlashar ekan, katta klublar o‘z tarkiblarini kuchaytirish uchun faol harakat qilmoqda. "Football Insider" nashrining xabar berishicha,
Mixaylo Podolyak: «Aslida, normal va qulay muzokara jarayoni ketmoqda»
Hennadii Minchenko / Ukrinform / Future Publishing / Getty Images AQSH prezidenti Donald Tramp 2025 yil 20 yanvarda bo‘lib o‘tgan inauguratsiyasidan so‘ng, darhol Putin bilan uchrashish niyati
Temur Kapadze milliy jamoada nimalarni o‘zgartiradi? (intervyu)
O‘zbekiston milliy jamoasi mart oyida Jahon chempionati saralashidan o‘rin olgan 2 ta bahsda ishtirok etadi. Katanes sog‘ligidagi muammo sabab o‘zaro kelishuvga asosan shartnomani bekor qilgach,
Hafta oʻyinlari: «Manchester Siti» «Nyukasl»ga qarshi, «Bavariya» «Bayer» mehmoni
Foto: Getty images MANChESTER SITI – NYuKASL (15 fevral, 20:00) Kecha «Chelsi» Braytonda yutqazgach, kuchli toʻrtlik uchun da'vogarlarda yangi imkoniyat paydo boʻldi, deyish mumkin. Ayni paytda
